Autoritetet amerikane kanë lënë të lirë nga çdo masë dhe ndalim, John Hinkley i njohur nga të gjithë si personi që i bëri atentat presidentit Ronald Regan.
“Pas 41 vitesh, dy muajsh e 15 ditësh më në fund jam i lirë”, u shpreh njeriu që për dashurinë e Jodie Foster plagosi presidentin e atëhershëm amerikan më 30 mars 1981 dhe zëdhënësin e atëhershëm të Shtëpisë së Bardhë, Jim Brady.
Ky i fundit e kaloi jetën në një karrocë me rrota, duke luftuar kundër armëve të lehta të disponueshme për të gjithë.
“Nëse Ronald Reagan nuk do të kishte qenë objektivi, kufizimet ndaj Hinkley do të ishin hequr shumë kohë më parë”, tha gjykatësi që caktoi datën e lirisë së pakushtëzuar.
John Hinkley, i cili luan kitarë dhe këndon, donte që në muajin korrik të jepte koncerte. Megjithatë, koncerti i planifikuar prej kohësh në Hotel Market në Bushwick më 8 korrik, u anulua për arsye sigurie.
