Gjykata e Apelit e Kosovës, ka vendosur ndryshimin e masës së sigurisë për Albin Kurtin dhe Albulena Haxhiu nga arrest shtëpie në shtëpiak në detyrim paraqitje. Pra gjykimi ndaj tyre do të vazhdojë në liri.
Kështu kolegji penal prej tre gjyqtarësh ka aprovuar ankesat e avokatëve mbrojtës, duke rrëzuar masat e vendosura nga Gjykata Themelore në Prishtinë, më 28 dhjetor 2015 dhe 6 janar 2015.
Sipas vlerësimit të Gjykatës se Apelit, pretendimet ankimore janë të bazuara, pasi nuk plotësohet asnje prej kushteve të veçanta, të parapara në Kodin e Procedurës Penale të Republikës së Kosovës, mbi bazën e të cilave të pandehurve iu është vazhduar masa e arrestit shtëpiak.
Kjo për faktin se atyre u dihet identiteti, vendbanimi, si dhe nuk ekzistojnë rrethana tjera të cilat tregojnë, se ekziston rreziku i ikjes, arratisjes, apo përsëritjes se veprës penale.
