Janë liruar 4 nga 6 personat të cilët u shoqëruan paraditen e sotme në zonën e Unazës së Re.
Mësohet se brenda komisariatit numër 6, ka mbetur ish-deputeti Klevis Balliu dhe Elton Skënderi, të cilëve u është komunikuar arresti në flagrancë.
Balliu akuzohet për veprat penale, kundërshtim me dhunë ndaj punonjësve të policisë, prishje e qetësisë publike dhe pengim të qarkullimit të mjeteve të transportit.
Ndërkohë banorët dhe ish-deputetët e PD-së ndodhen para komisariatit duke kërkuar lirimin e tyre.
Prej disa muajsh, banorët e Unazës së Re protestojnë kundër projektit të Unazës së Re i cili prek banesat e tyre./ Opinion.al E.Xh.
