Pas më shumë se 18 orësh, Policia e Vlorës ka lënë të lirë të 15-të të shoqëruarit për vrasjen e Gëzim Sinomatit.
Grupi hetimor nuk arriti të gjejë asnjë provë të vlefshme që mund të implikonte personat që blutë e Vlorës kishin skeduar si të dyshuar.
Nga hetimet, policia lokale sipas grupit hetimor, ka pikasur një automjet që dyshohet se ka ndihmuar autorët të largohen nga vendngjarja. Sipas A2 CNN mjeti rezulton i shitur në Vlorë, por pa akt shitje.
Dyshohet se ky automjet në pronësi të një shtetasi nga Elbasani ka larguar autorët nga vendi ku u dogj automjeti tip BMË me të cilin u krye atentati mafioz.
22-vjeçari Gëzim Sinomati u ekzekutua me një plumb mbrëmjen e së dielës në Vlorë. I riu sapo ishte kthyer në Shqipëri për festa teksa nuk raportohet të ishte një person problematik.
Pista kryesore e kësaj ngjarje dyshohet të jetë ajo e hakmarrjes pasi babai i viktimës ka qenë pjesë e bandës së Gaxhait në vitin 1997 dhe aktualisht ndodhet në burg për vrasje.
