“Rama të shkarkojë urgjentisht Vangjush Dakon i cili është bërë palë me krimin”. Kështu deklaroi nga Durrësi, kryedemokrati Lulzim Basha. Ai tha se prokuroria duhet të nisë hetimet për përfshirjen e Bashkisë së Durrësit në lirimin e ish-kreut të bandës së Durrësit.
Kryetari i Partisë Demokratike, Lulzim Basha shkoi sot në Durrës ku pati një mbledhje me drejtues të kësaj force politikë si dhe këshilltarët demokratë në Bashkinë e Durrësit. Ky takim, që po zhvillohet në selinë e PD në qytetin e Durrësit, vjen një ditë pas publikimit të investigimit të BIRN, që tregon se Lulzim Berisha u lirua nga burgu me ndërhyrjen e Bashkisë së Durrësit.
Sipas këtij vendimi, vetë kryebashkiaku Vangjush Dako kishte dërguar një letër garanci për punësim.
Vendimi për lirimin e Lul Berishës solli reagime të ambasadorit amerikan, Donald Lu, i cili tha se lirimi Berishës ishte i papranueshëm dhe duhet të na indinjojë. Kambanë alarmi e cilësoi nga ana tjetër edhe ministri i Brendshëm, Saimir Tahiri.
