Lirimi i Lul Berishës, Tahiri: Të bëjmë vetingun një orë e më parë

Për ministrin e Brendshëm Saimir Tahiri, lirimi i Lul Berishës është tregues i domosdoshmërisë së vettingut.
Saimir Tahiri:“E kam theksuar disa herë. Është e domosdoshme të veprojmë shumë shpejt për të cuar para reformën në sistemin e drejtësisë dhe verifikimin përmes vettingut të çdo gjyqtari që e ka kthyer në traditë korruptimin si mjet për të bërë padrejtësinë e radhës. Shpresoj që kjo e shumë të tjera të shërbejnë si këmbanë alarmi për ata që mbajnë peng vettingun”. Deklarata u bë me rastin e 70 vjetorit të policisë rrugore. Ministri u pyet nga gazetarët për një koment pas reagimit të ambasadorit amerikan Donald Lu i cili u shpreh se lirimi i tij ishte i papranueshëm dhe duhej të indinjoheshim.