Ambasadori Donald Lu reagon ashpër për lirimin e Lulzim Berishës, ish-kreut të bandës së Durrësit.
“Të mërkurën Lul Berisha u lirua nga burgu për arsye të panjohura. T’i themi gjykatave të korruptuara që kjo është e papranueshme, duhet te indinjohemi”. Kështu deklaroi ambasadori Lu në një aktivitet të organizuarnë ditën ndërkombëtare kundër korrupsionit.
Vendimi për lirimin e tij me kusht ishte marrë gjatë ditës së hënë të kësaj jave. Avokati mbrojtës i Berishës i ishte drejtuar disa herë me kërkesa Gjykatës me pretendimin se klienti i tij vuante nga një sëmundje e rëndë, ndërsa Berisha ka qëndruar për muaj me radhë në spitalin e burgut.
Berishës i kishin mbetur edhe 5 vite burg për të kryer dënimin prej 25 vitesh të dhëna nga Gjykata e Lartë. Vitet e mbetura, ai do t’i kryej në liri me kusht.
Lulzim Berisha u arrestua në vitin 2006 në Maqedoni.
Gjykata e Krimeve të Rënda e kishte dënuar me burgim të përjetshëm, Berishën, vendim i cili u rrëzua nga Gjykata e Lartë dhe u konvertua në 25 vjet.
