Pas lirimit nga burgu të ish-anëtarit të bandës së Durrësit , i cili ishte dënuar burgim të përjetshëm, Endrit Dokle ka ardhur reagimi i Prokurorisë së Krujës.
Në reagimin e saj Prokuroria është shprehur se do të ankimojë vendimin e Gjykatës për lirimin e Dokles si dhe gjithashtu se do të kërkojë përjashtimin e gjyqtares së çëshjtes që dha këtë vendim.
“Prokuroria Pranë Gjykatës së Shkallës së Parë Krujë ka qenë pjesmarrëse në këtë proçes dhe ka mbajtur qëndrimin e plotë për rrëzimin e kërkesës, me arsyetimin se jo vetëm se nuk plotësohen kushtet ligjore të parashikuara nga neni 64 i Kodit Penal, por edhe se nuk ekzistojnë të provuara arsyet e veçanta që kërkon norma.
Gjithashtu prokuroria ka kërkuar përjashtimin e gjyqtares sëçëshjtes me arsyetimin se i njëjti trup gjykues ka dhënë vendime në favor të kërkuesit, kërkesë e cila nuk është pranuar nga gjykata. Të gjitha kundërshtimet në lidhje me shkeljet proçedurale si dhe zbatim të gabuar të ligjit Prokuroria Pranë Gjykatës së Shkallës së Parë Krujë do ti parashtrojë në ankim brenda afatit ligjor,”-thuhet në njoftimin e Prokurorisë.
Endrit Dokle kishte kërkuar më parë rrëzimin e dënimit me burgim të përjetshëm, por kërkesa nuk u pranua nga Gjykata Kushtetuese.
Ndërkohë që Gjykata e Krujës ka vendosur tani për lirmin e tij. Përveç burgimit të përjetshëm si anëtar i bandës së Durrësit, ku akuzohej për dhjetëra vrasje, plagosje dhe krime të tjera, Dokle ishte dënuar edhe me 16 vite të tjera heqje lirie për shkak se drejtonte trafikun e drogës nga burgu./Opinion.al/
