Deputeti demokrat, njëherazi kryetari i Këshillit Kombëtar të Partisë Demokratike, Edi Paloka, ka reaguar ashpër për lirimin nga qelia të ish-deputetit të PS, Alqi Bllako.
Në një status në rrjetet sociale, Paloka ka akuzuar kryeministrin Rama por edhe ambasadoren amerikane në Tiranë, të cilët sipas tij nuk kanë folur për këtë vendim të drejtësisë që ai e cilëson skandaloz.
Paloka thotë se vendimi për të liruar Bllakon është marrë ditën qe ai është dorëzuar. Sipas tij Pazari i Ramës me të është i thjeshtë “ti do besh pak burg dhe do heshtësh, unë me drejtësinë e reformuar do të të nxjerr pas disa muajsh”.
“Vendimi për të liruar Bllakon është marrë ditën qe ai është dorëzuar. Pazari është i thjeshtë, ai i përhershmi i Ramës me ushtaret e tij te krimit e korrupsionit: na ka dale boja prandaj ti do besh pak burg dhe do heshtësh, unë me drejtësinë “e reformuar” do të të nxjerr pas disa muajsh dhe te dy do vazhdojmë te gëzojmë milionat dhe pushtetin.
Ndërkohë, a i pa apo dëgjoi njeri ketë here Ramën e Yurin te akuzojnë drejtësinë për ketë vendim skandaloz? Ata qe për çdo përgjegjësi te qeverise, e gjejnë fajtorin tek drejtësia , dikur e pareformuar, (madje dhe për kullat “misterioze” ne mes te Tiranës , fajin e ka ish-drejtesia). Po për ketë vendimin skandal te drejtësisë “se reformuar” pse nuk foli askush ?!
Për fat te keq edhe ndonjë nga këta koleget tanë qe tani takohen me shume me Yurin se me ata qe i kane zgjedhur ( ne fakt me demokratet nuk takohen) nuk i ve me emrin e vërtetë ; “drejtësi e kapur” , po e quan “drejtësi e brishte”…Kujdes se kështu e do Yuri…ashtu siç e do dhe Rama!”-shkruan Paloka.
