Kreu i Partisë Demokratike Lulzim Basha, ka reaguar në kuadër të ditës botërore të lirës së medias.
Përmes një postimi në rrjetet sociale, Basha përshëndet të gjithë gazetarët të cilët po sfidojnë pandeminë për të infomruar qytetarët.
Ndër të tjera, Basha thekson se Shqipëria ka bërë pas në indeksin e lirisë së medias duke zbritur disa vende. Për këtë, kryedemokrati akuzon qeverinë e cila sipas tij, kërcënon median.
Reagimi
Sot në ditën botërore të lirisë së medias përshëndes të gjjthë gazetarët dhe median që në këtë periudhë të vështirë kundër #covid19 kanë sfiduar rrezikun dhe censurën për të informuar publikun mbi situatën.
Fatkeqësisht edhe këtë vit vendi bëri hapa prapa në indeksin e lirisë së medias duke zbritur disa vende më poshtë.
Ligjet kundër medias online, kufizimi i qasjes së gazetarëve në informacion, arrestimi i gazetarëve dhe aktivistëve dhe mbyllja e mediave kritike ndaj qeverisë, janë vetëm disa nga problemet që kanë përkeqësuar e lirinë e medias në Shqipëri, ku propaganda e qeverisë kërcënon çdo ditë lirinë e shprehjes dhe të vërtetën./ Opinion.al
