Ministria e Arsimit, Lindita Nikolla, e cila është gjendur këto orë nën një trysni mediatike të pazakontë, ka takuar në mënyrë private dhe pa media babain dhe gjyshin e fëmijës së keqtrajtuar dhe të dhunuar në kopshtin e pa licensuar “Diren”.
Tanimë ky “kopsht” është bërë i “famshëm” për rrahjet e “monstrës Anjeza Shabani”, ndaj vogëlushit 3 vjeçar. Ministria Nikolla, u ka kërkuar atyre ndjesë për dhimbjen e shkaktuar në kopshtin “Diren”, pavarësisht mos dijenisë së saj të plotë për ngjarjet që zhvilloheshin mes katër mureve të atij vendi të përçudnuar. Mësohet që babai dhe gjyshi i fëmijës janë ndarë në paqe të plotë me ministren Nikolla. Ndërsa përsa i përket liçensës së munguar të kopështit “Diren”, babai i “viktimës” është shprehur se e kishin gënjyer, duke i thënë që pronarja kishte bërë një aplikim në Bashki.
Është e habitshme se si Ministria Nikolla, e cila do të kishte shumë përfitime nëse do të shfaqej në publik dhe përpara kamerave me prindërit e vogëlushit të keqtrajtuar, ka bërë një përzgjedhje të tillë, të ndrojtur dhe jo komerciale. Sidoqoftë sulmet ndaj ministres vazhdojnë, ndërsa fajtorja Anjeza Shabani, duke sikur po harrohet shpejt nga vëmendja e shqiptarëve…./360gradë.al
