Ish-ministrja e Arsimit, Lindita Nikolla, ka komentuar deklaratat e presidentit Ilir Meta në adresë të qeverisë “Rama”.
Nikolla u shpreh se këto deklarata tregojnë se Meta është palë me opozitën dhe se ka shkelur Kushtetutën.
Ish-ministrja theksoi se tashmë presidenti nuk përfaqëson më unitetin kombëtar pasi ka dal hapur në mbështetje të opozitës joparlamentare.
“Parlamenti është në të drejtën e vet kushtetuese për ti vënë fre kësaj shfaqje të shëmtuar që një përfaqësues i unitetit kombëtar e shkel gjithë ditën në mënyrën më të pastër dhe më flagrante. Ndaj parlamenti nuk mund të lërë pa bërë detyrën e tij, sigurisht pa nxitime që të bien ndesh me ligjin”,-tha Nikolla.
Po ashtu, Nikolla foli në “Ora News” dhe për zgjedhjet e 30 qershorit, të cilat u bojkotuan nga ana e opozitës.
Ish-ministrja theksoi se se brenda Partisë Socialiste ka nisur analiza për rezultatet e votimit të 30 qershorit, por e konsideroi të drejtë vendosmërinë e mazhorancës për të mos braktisur procesin zgjedhor.
“Do të ishte dhe më e rëndë nëse mazhoranca do të tërhiqej duke krijuar kështu një precent të rrezikshëm, atë të mosbërjes së zgjedhjeve apo realizimit të zgjedhjeve jo në mënyrën kushtetuese periodike siç Kushtetuta e përcakton, por në varësi të orekseve të njërës apo tjetrës parti”,– u shpreh Nikolla./ Opinion.al E.Xh.
