Gjykata e Lezhës ka caktuar masën e sigurisë “arrest me burg” pa afat për Endri Baçukun, autorin e dyshuar të plagosjes me armë të 25-vjeçarit Jurgen Ndreca në Mamurras.
Mësohet se Baçuku ka shfaqur pendesë duke deklaruar se “kishte qëlluar në gjaknxehtësi”.
Megjithatë, gjykata nuk mori parasysh pretendimet e Baçukut, duke e cilësuar si të ligjshëm arrestimin e tij. Ndaj 21-vjeçarit, Baçukut, rëndojnë 2 vepra penale, ajo e “plagosjes së rëndë me dashje” dhe “mbajtja pa leje e armëve të zjarrit”.
Kujtojmë se ngjarja e ndodhur më 8 Mars, nisi si konflikt çasti mes dy të rinjve në Mamurras, por degjeneruar deri në përdorimin e armës, ku mbeti i plagosur Jurgen Ndreca.
