Gjykata e Posaçme ka lënë në burg ish-kreun e ARRSH-së Evis Berberi dhe dy biznesmenët Valter Begaj dhe Ervis Lami.
Në një prononcim për gazetarët, avokati Gentian Rumano tha se Berberi është i pafajshëm.
Ai thotë se Berberi nuk ka përfituar në mënyrë të padrejtë asnjë tender.
“Gjatë kësaj kohe keni përcjellë në mënyrë të vazhdueshme marrëdhënien juridiko civile tregtare mes palëve në proces e cila më pas nga SPAK është përcaktuar si çështje penale. Ne ishim kundër akuzave, janë akuza të cilat kërkojnë të shtrëngojnë gjykatën në dhënien e masës së sigurimit arrest me burg.
Absolutisht nuk ka përfituar në mënyrë të padrejtë asnjë tender nga ana e Evis Berberit. Ju nuk e keni lexuar dosjen hetimore, sepse nuk jeni në dijeni fare. Këto vlera janë terësisht të pavërteta, abuzohet në mënyrë të papërshtatshme me vlerat ekonomike. Do sqarohen në ditët në vijim me analiza ekonomike të mirëfillta”, deklaroi ai./Opinion.al
