Deputetja Ina Zhupa hodhi akuza ndaj ministres së Turizmit, Mirela Kumbaro, duke thënë se e kanë përgatitur ligjin për “Zonat e Mbrojtura” me porosi për oligarkët me qëllimin e vetëm, betonizimin dhe masakrimin e zonave të mbrojtura.
Deputetja thekson se një ligj i tillë parashikon ndërtimin e resorteve luksoze në zonat e mbrojtura.
“Ligji për zonat e mbrojtur ka kaluar zonën në të pambrojtur ku ndërtimi dhe betonizmi janë të lejuara dhe vendimmarrja për këto zona varet vetëm nga KKRRT. Ju po jepni ndërtime në zonat e mbrojtura, Divjakën, Butrintin, Velipojën t’i jepni për ndërtim. Në Butrint është ndërtuar aty ku nuk duhet të ishte ndërtuar. Doni t’i mbushni zonën e mbrojtura me betonin.
Kush është ai vend tjetër që zonat e mbrojtura i marrin dhe i ndërtojnë. Ligjin e ke bërë për oligarkët, se e ke përcaktuar se ca veprimtarie lejohet. Struktura akomoduese të ekselencës 5 yje ose më shumë, nuk i bën ai që do të ndërtojë një penxhere te zona e mbrojtur, i keni bërë për të ndërtuar komplekset e vilave, siç keni bërë gjirin e manastirit. Ku të marrin plazh publik oligarkët”, tha Zhupa.
Nga ana tjetër Kumbaro hodhi poshtë akuzat duke thënë se ky ligj i hap rrugë vetëm ndërtimeve ekologjike me mjedisin.
