Grupi parlamentar i Partisë Socialiste ka vendosur në mbledhjen e sotme të rrëzojë dekretin e Presidentit Meta për ligjin për “Noterinë”.
Edhe pse ligji për “Noterinë” ishte votuar me votat e maxhorancës në Kuvend, Presidenti Meta e ktheu për rishqyrtim ligjin në Kuvend më 14 janar, duke renditur një sërë pikash që binin ndesh me Kushtetutën.
Por grupi parlamentar i Partisë Socialiste nuk ka pasur të njëjtin mendim për ligjin e “Kadastrës”, edhe ky i kthyer për rishqyrtim nga Presidenti Meta.
Deputetët e PS-së, kanë vendosur që të rishikojnë ligjin, pas një sërë problematikash që u gjetën.
