Kreu i PD, Sali Berisha në konferencën e përjavshme për mediat ka deklaruar se deputetët që votuan dje në Kuvend pro ndryshimeve në ligjin për dosjet e ish-bashkëpunëtorëve të sigurimit kanë bërë gabim.
Sipas kryedemokratit, ligjvënësit duhet të njiheshin me tekstin e ligjit që është dorëzuar në parlament para votimit.
“Unë mendoj se deputetët që votuan, kanë bërë një gabim sepse deputetët që votuan, përpara duhet të njiheshin me tekstin e ligjit që është dorëzuar në parlament.
Gjykoj se ky tekst përbënte bazën më serioze, më të domosdoshme dhe më të mbështetur nga shoqëria shqiptare, më të konsultuar me të përndjekurit politikë.
Ideja se u hapën për herë të parë dosjet është një mashtrim fund e krye. Me ligjin e vitit 2008, dosjet kanë qenë të hapura pa kufizim për çdo individ”-tha Berisha.
