Një projekt-ligj është ngritur në Greqi, i cili ndalon çiftet homoseksuale të gjinisë mashkull, të kenë fëmijë përmes një nëne surrogate.
Ky ligj, i komunikuar nga vetë ministri i Drejtësisë së Greqisë, Giorgos Floridis, ndalon meshkujt heteroseksualë apo homoseksualë që të kenë fëmijë përmes metodës mjekësore së surrogacitetit, siç raporton media greke ToVima.
Arsyeja e krijimit të këtij ligji, vjen pas shqetësimeve të ministrit të Drejtësisë në Greqi për trafikimin njerëzor. Floridis shprehet se të huajt vijnë në Greqi, deklarohen si rezidentë beqarë dhe përmes një nëne surrogateje, bëhen me fëmijë, duke i shpërblyer këto gra me një vlerë të lartë parash, përtej asaj që parashikon ligji.
Sipas Floridis, ky amandament ka “karakter thellësisht humanitar”, sepse “Greqia rrezikon të bëhet një vend i trafikimit të nënave surrogate”.
