Kina ka ndaluar importet e salmonit nga furnitorët europianë, mes frikës se produkti mund të jetë shkak i shpërthimit të koronavirusit në një treg në Pekin.
Megjithëse ekspertët thonë se peshqit nuk kanë të ngjarë të mbartin sëmundjen.
Gazetat e drejtuara nga shteti kinez raportuan se virusi u zbulua në dërrasat prerëse të përdorura për salmonin e importuar, në tregun Xinfadi, në Pekin. Raportet bënë që supermarketet e mëdha në Pekin të hiqnin salmonin nga raftet e tyre.
‘Ne nuk mund të dërgojmë asnjë salmon në Kinë tani, tregu është i mbyllur,’- thaRegin Jacobsen, CEO i furnizuesit të salmonit në Oslo, Bakkafrost.
‘Ne kemi ndalur të gjitha shitjet në Kinë dhe po presim që situata të sqarohet,’- tha Stein Martinsen, kreu i shitjeve dhe marketingut të Royal Salmon në Norvegji.
Gjurmët gjenetike të virusit që shpërtheu në tregun e Pekinit sugjeruan se mund të kishte ardhur nga Europae dhe pse Autoriteti i Sigurisë Ushqimore të Norvegjisë tha se nuk ka prova që peshqit mund të infektohen. Aksionet e Norway Royal Salmon, Bakkafrost dhe Mowi, dhe Salmar u ulën me 3-5%.
Sipas tyre, Kina përbën rreth 5% të kërkesës globale për salmon./Opinion.al
