Më 28 dhe 29 shkurt në Tiranë do të zhvillohet një takim mes liderëve të Ballkanit Perëndimor.
Fokusi i këtij takimi do të jetë rrugëtimi i vendeve të Ballkanit Perëndimor drejt BE, si edhe zbatimi i Planit të rritjes ekonomike, i cili synon të zgjerojë përfitimet e Tregut Unik të Bashkimit Evropian në rajon përpara anëtarësimit formal, me synim kontributin pozitiv në rritjen ekonomike dhe përshpejtimin e konvergjencës socio-ekonomike me BE-në.
Lajmi është bërë i ditur nga Ministria e Integrimit të Kosovës në një postim në rrjetet sociale.
Ditën e djeshme është zhvilluar tryeza ministrore e përfaqësuesve nga Ballkani Perëndimor për fushën e integrimit evropian, ku edhe është njoftuar takimi që do mbahet në Tiranë.
