Një aksident i rëndë ka ndodhur në aksin rrugor Librazhd- Qafë Thanë. Mësohet se një trajler është përplasur me një autobus, ku për pasojë ka mbetur e vdekur një 82-vjeçare dhe janë plagosur dhe dy persona të tjerë.
Sipas policisë, dyshohet se aksidenti të ketë ndodhur për shkak të lagështirës, gjë e cila ka bërë që trajleri t’i dal nga kontrolli drejtuesit të identifikuar me inicialet A.H..
Ndërkohë, policia ka shkuar në vendngjarje dhe po punon për zbardhjen e plotë të rrethanave.
Informacion i policisë
Në aksin rrugor Librazhd- Qafë thanë, në vendin e quajtur “kthesa e gomave”, një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan, si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus. Grupi hetimor ndodhet në vendngjarje dhe po punon për zbardhjen e shkakut të aksidentit./ Opinion.al E.Xh.
