Barcelona ka hedhur pas krahëve humbjen me Osuassuna-n dhe është rikthyer te triumfi në kampionat.
Katalanasit mposhtën pastër me rezultatin 3-0 skuadrën e Alaves në transfertë, në një ndeshje që u vendos nga Robert Lewandowski.
Sulmuesi polak shënoi tripletë golash në minutat 7, 22 dhe 33, për t’i dhënë suksesin skuadrës së Hansi Flick.
Me këtë triumf, Barcelona vazhdon e qetë në krye të renditjes me 24 pikë në nëntë javë kampionat, 3 pikë më shumë se Real Madrid që renditet në vendin e dytë.
Sfida e radhës do të jetë delikate për Barçën, pasi sfidon Sevilla-n në shtëpi.
