Dy të rinj janë vënë në pranga pasi janë kapur në flagrancë duke qarkulluar në Tiranë me armë zjarri automatike.
Shtetasit Bledian Kaceli, 18 vjeç dhe Ali Kaceli, 24 janë ndaluar nga Shërbimet e Komisariatit të Policisë nr. 5 në zonën e njohur si “Fushë-Kërçikë, Babrru.
Në momentin e arrestimit atyre u janë gjetur secilit nga një armë automatik tipi “AK-47” të fshehura nën xhup.
Ndërkohë që grupi hetimor po punon për të gjetur prejardhjen e armëve dhe destinacionin e përdorimit të tyre.
Njoftimi i policisë:
Finalizohet operacioni “Prita”
Lëviznin me automatik, dy persona në pranga.
Më datë 23.11.2016, Shërbimet e Komisariatit të Policisë Nr 5, kanë bërë të mundur arrestimin në flagrancë të shtetasve:
- Bledian Kaceli, 18 vjeç, banues në Tiranë.
- Ali Kaceli, 24 vjeç, banues në Mat.
Këta shtetas janë konstatuar nga shërbimet e Komisariatit të Policisë Nr 5, në zonën e njohur si “Fushë-Kërçike”, Babrru, ku poshtë xhupit secili mbante fshehur nga një armë zjarri automatike.
Në cilësinë e provës materiale janë sekuestruar:
– Dy armë zjarri automatik, tip “AK-47” dhe dy krehër.
Grupi hetimor po punon për të gjetur prejardhjen e këtyre armëve dhe destinacionin e përdorimit të tyre.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Prodhimi dhe mbajtja pa leje e armëve luftarake dhe e municionit”, parashikuar nga Neni 278/4 i Kodit Penal.
