Letërsia dhe erosi, sonte në “Opinion”

Tema e emisionit të sotëm “Opinion”, do të fokusohet në marrëdhëniet mes letërsisë dhe erosit dhe shprehjes së tyre në art. Në një panel specialistësh dhe njohësish të mirë të letrave dhe artit, do të diskutohet mes të tjerash edhe për librin më të fundit të poetes Rita Petro. “Vrima”, kjo përmbledhje poetike e vlerësuar edhe me çmimin “Lumo Skëndo” nga Biblioteka Kombëtare, ka krijuar një valë diskutimesh dhe polemikash, veçanërisht në rrjetet intelektuale në kryeqytet. Të ftuar në emisionin e sotëm do të jenë: Dhurata Shehri, Albana Bala, Denata Toçe, Agim Baçi, Fari Balliu dhe Edmond Tupja.