Pasuri dhe sukses, një kombinim ky që shumëkush e ëndërron, por prapë i pamjaftueshëm për t’ju garantuar lumturinë, të paktën kështu thuhet sipas Leonardo DiCaprios.
Aktori i‘The Revenant’ ka fituar mjaftë para nga karriera e tij prej aktori, saktësisht prej dy dekadash. 41-vjeçari ka fituar plot 20 milionë funte vetëm në vitin 2015, sipas një llogaritje nga Forbes.
DiCaprio u rrit në një familje ku paraja ishte gjithmonë një problem. Por, suksesi i tij shpejtë ia largoi atij problemet financiare me të cilat përballeshin prindërit e tij, dhe DiCaprio shpejtë u bë mbajtësi ifamiljes, transmeton GazetaExpress. Por, ai insiston se paratë dhe suksesi nuk janë të mjaftueshme për t’u ndjerë plotësisht të lumtur në jetë.
“Kam qenë me fat që kam arritur shumë gjëra për të cilat kam ëndërruar si një i ri”, tha ai për The Telegraph. “Por, në fund të ditës – dhe e besoj plotësisht këtë – nuk është gjithçka paraja dhe suksesi. Për shkak se ato nuk të garantojnë lumturinë. Me të vërtetë jo. E gjitha çfarë ka rëndësi është të kesh një jetë të mirë, ku kontribuon në shumë mënyra për botën përreth”, shtoi ai në fund.
