Gjykata e Shkallës së Parë në Shkodër ka shpallur fajtorë kryeinxhinierin dhe inxhinierin e urbanistikës në Bashkinë e Vaut të Dejës, Salvador Kaci dhe Albert Malkolaj, të akuzuar për shpërdorim detyre.
Ata janë dënuar të dy me një vit heqje lirie dhe konvertimin e këtij dënimi me punë të detyruar në interesin publik dhe në 5 vite të mos ushtrojnë funksione publike.
Gjatë seancës gjyqësore, mbrojtja kërkoi pafajësi për dy të akuzuarit, ndërsa organi i akuzës kishte kërkuar dy vite heqje lire për dy punonjësit e urbanistikës të Bashkisë Vau i Dejës, të cilët, sipas akuzës, kishin dhënë një leje ndërtimi në mënyrë të kundërligjshme në zonën e Bushatit.
Gjyqtari Arbër Çela vendosi në fund të seancës për shpalljen fajtor të dy të akuzuarve dhe në vendimin përfundimtar dha dënimin me 180 ditë punë të detyrueshme dhe 5 vite të mos ushtrojnë asnjë funksion publik.
