Këtë të martë, në Gjykatën e Durrësit, u zhvillua seanca për shqyrtimin e kërkesës së Fredi Belerit për t’u betuar si kryetar bashkie i Himarës.
Gjykata e Durrësit shpalli moskompetencë dhe ia ka kaluar kërkesën Gjykatës së Lartë për interpretim.
Në ambientet e gjykatës ishte prezente edhe ambasadorja greke dhe kreu i PBDNJ-së, Vangjel Dule.
Kërkesa për leje u shqyrtua nga Gjykata e Durrësit pasi ai ndodhet në paraburgimin e Durrësit, por edhe sepse Gjykata e Posaçme ka shpallur fillimisht moskompetencë.
