Tri ndeshje, 7 pikë. Lacio me Berishën në portë duket e pamposhtur në këto javë të fundit të Serisë A. Po si është e mundur që një portier si Berisha të vazhdojë të mbetet e rezervë e një portieri si Marcheti, i cili edhe pse nuk ofron siguri në kuadratin e portës, vazhdon të mbetet zgjidhja e parë për portën laciale.
Me Berishën në portë Lacio në tri ndeshjet e fundit ka pësuar vetëm dy gola. Fillimisht ka fituar me Interin kryesues në transfertë 1-2, ku Berisha është vendimtar me pritjet e tij. Një javë më pas Lazio me Berishën në portën barazon në fushën e saj me Carpin 0-0.
Kurse sonte po me Berishën në portë Lazio fiton në Firenze 1-3 me Fiorentinën qe po bën një nga kampionatet më të mirë në 30 vitet e fundit. Por kjo paraqitje e Berishës duket se nuk i mjafton Lazios e cila i ka rinovuar dy ditë më parë edhe për dy vite portierit të parë Marchetit, edhe pse me të në portë, ecuria e Lazios nuk është e mirë.
Këtu nuk po përfshijmë paraqitjet shumë të mira që Berisha ka bërë si portier i Lazios në Europa League, ku ka ndihmuar që ekipi të kalojë fazën e grupeve. çfarë duhet të bëjë më shumë Berisha për të fituar besimin e drejtuesve të Lazios?
