Ish-Kryeministri Sali Berisha ka hedhur poshtë deklaratat se fshati Lazarat konsiderohej “republikë” më vete gjatë qeverisjes demokrate.
Duke folur në Ora News në një intervistë në “Tonight Ilva Tare”, Berisha theksoi se e ka të filmuar vet Edi Ramën që kishte hyrë më parë në Lazarat dhe bënte fushatë, ndërsa vet ai nuk ka shkuar.
“Në 2004 policia socialiste mori helikopter italian, i hodhi italianët në një kurth, e çoi mbi Lazarat dhe filloi shkëmbimi i zjarrit midisa fshatarëve dhe italianëve. Ne e dënuam aktin. Natyrisht ndërhyrje ushtarake nuk bëmë.
E rrethuam nga të katërt anët në vitin 2010. Nga Shqipëria në Itali kanë shkuar 65 kg. Policia i infiltroi thellësisht dhe çdo ngarkesë që nisej kapej. Policia ka hyrë por nuk i ka prekur brenda. Ka hyrë Edi Rama. E kam këtu të filmuar që ka hyrë Edi Rama ka bërë fushatë elektorale. Nuk ka hyrë Sali Berisha”, u shpreh ish-Kryeministri.
