97 vite burg në total ka dhënë Gjykata për Krimet e Rënda për “Grupin e Zjarrit”, që Qershorin e vitit 2014, qëlluan mbi policinë gjatë aksionit antidrogë në Lazarat.
Dënimi më i madh, me 18 vjet burg, u dha për Gate Mahmutajn, i cilësuar si drejtuesi i grupit.
Për djalin e tij, Vandam Mahmutaj dhe Klajdi Telemanin, togat e zeza vendosën ta dënojnë me 7 vite heqje lirie.
17 vite burg u dhanë për Arjan Bashën.
Ramadan Basha u dënua me 12 vite, po aq sa Endien Shametaj, Matias Boçaj dhe Alteo Haskaj, me nga 11 vite.
Ndërsa Drini Aliko u dënuam me 2 vite burg, për akuzën e moskallzimit të krimit.
Të gjithë këta persona përfitojnë ulje dënimi me 1/3, pasi kanë përfituar nga gjykimi i shkurtuar.
Për prokurorinë, këta shtetas, në bashkëpunim me njëri – tjetrin, kanë konsumuar veprat penale të prodhimit dhe shitjes së lëndëve narkotike, armëmbajtje pa leje dhe kundërshtim të forcave të policisë.
Tv Klan
