Laura Fazliu e cila konkurron në sportin e Judos, ka fituar medaljen e bronztë në kategorinë deri në 63 kilogramë, mposhti izraeliten, Gili Sharir.
Ajo përfitoi nga pakujdesia e Sharirit, dhe fitoi me Ippon, pas një lufte të fortë.
Laura e nisi ditën me revanshin ndaj kampiones evropiane. Në xhiron e parë mposhti britaniken Gemma Howell, ndaj së cilës kishte humbur në finale të Evropianit të kaluar.
Laura realizoi hedhje mjeshtërore në kohën shtesë.
Edhe në pengesën e dytë, Laura nuk pati probleme. Fitoi ndaj hungarezes Brigitta Varga me mbërthim në kohën shtesë.
Megjithatë, Fazliu u mposht në çerekfinale të garës duke humbur ndajc kanadezes Catherine Beauchemin-Pinard, që ka medalje olimpike e botërore./Opinion.al
#JudoTelAviv Laura Fazliu🇽🇰mposht Kampionen Olimpike te Tokyo 2020 Clarisse Agbegnenou🇫🇷 https://t.co/uWxJyaVq3B
— KosJudoFederation (@KosovaJudo) February 17, 2023
