Ka përfunduar ditën e sotme misionin e tij diplomatik ambasadori i Rusisë në Shqipëri, Mikhail Afanasiev.
Lajmin e bën me dije Ambasada e Federatës Ruse në Shqipëri përmes një njoftimi për media.
Tashmë Sergey Lysikov do të mbajë postin e të ngarkuarit me Punë i Rusisë në vendin tonë.
“Sot, më 26 prill, Shkëlqesia e Tij Ambasadori i Jashtëzakonshëm dhe Fuqiplotë i Federatës Ruse në Republikën e Shqipërisë, Mikhail Afanasiev përfundoi misionin e tij diplomatik dhe u nis për në Moskë. Ministri Këshilltar i Ambasadës, Sergey Lysikov është emëruar I Ngarkuari me Punë i Rusisë në Shqipëri”, lajmëron Ambasada ruse në Tiranë.
Mikhail Afanasyev ka shërbyer si ambasador i Rusisë në Shqipëri prej shtatorit të vitit 2019
