Largimi i hipopotamëve të Pablo Escobar nga Kolumbia do të kushtojë plot 3.5 milionë dollarë.
Shteti kolumbian do të transferojë 70 hipopotamë, që dikur ishin në pronësi të zotit të drogës Pablo Escobar në kopshtet zoologjike, jashtë shtetit me një kosto prej 3.5 milionë dollarësh.
Bosi i kokainës solli një numër të vogël të kafshëve afrikane në Kolumbi në fund të viteve 1980. Por pas vdekjes së tij në 1993, kafshët janë lënë të lira në zonat e nxehta dhe moçalore, aty ku autoritetet mjedisore kanë qenë të pafuqishme për të frenuar prodhimin e tyre .
Ferma e Escobar dhe hipopotamët janë bërë një atraksion turistik lokal që kur policia kolumbiane vrau mbretin e drogës. Kur ferma e tij u braktis, hipopotamët mbijetuan dhe u riprodhuan në lumenj lokalë dhe kushte të favorshme klimatike.
Shkencëtarët paralajmërojnë se hipopotamët nuk kanë një grabitqar natyror në Kolumbi dhe janë një problem i mundshëm për biodiversitetin, pasi feçet e tyre ndryshojnë përbërjen e lumenjve.
Vitin e kaluar, qeveria e Kolumbisë i shpalli kafshët e mëdha një specie toksike pushtuese. Autoritetet provuan një program sterilizimi për të kontrolluar shtimin e tyre, por dështuan.
Për këtë arsye ata duan që të dërgojnë 60 hipopotam në Kopshtin Zoologjik në Gujarat, Indi, dhe 10 hipopotam të tjerë do të shkojnë në Meksikë, Ostoku dhe Sinaloa.
“I gjithë operacioni kushton rreth 3.5 milionë dollarë,” tha pronari i Sanctuary Ostok, Ernesto Zazueta.
Ndërkohë institucionet e Ekuadorit, Filipineve dhe Botsvanës shprehën gatishmërinë të plotë për të marrë hipopotamët e bosit të drogës.
Escobar ishte një nga personazhet më famëkeq në botë, përgjegjës për një numër të paprecedentë vdekjesh të lidhura me drogën dhe një sulm me bombë në Kolumbi.Ai u vra nga policia në Medellin më 2 dhjetor 1993./Opinion.al
