Kryeministri Edi Rama ka folur mbrëmjen ne lidhje me situatën politike në vend, si dhe me situatën e rëndë që po përballet vendi pas tërmetit tragjik të 26 nëntorit.
Ndërkohë, gjatë një emisioni televiziv, kryeministri u pyet për mesazhet që i kanë mbërritur në telefon dhe që e kanë tronditur, apo që i kanë prishur gjumin.
Numri një i qeverisë, u përgjigj duke thënë se ka marrë shumë mesazhe të tillë, pasi, siç ai thotë, u përgjigje të gjithë atyre që i shkruajnë.
“Kam marrë aq shumë mesazhe në telefon, sa janë ndikim i drejtpërdrejtë në pagjumësinë time, sepse unnë e kam këtë që dua t’iu përgjigjem të gjithëve. Nuk mund të them një”,-tha Rama.
Më tej, kreu i qeverisë u pyet dhe për kërcënimet që i janë bërë shkrimtarit Agron Tufa, duke e detyruar të lërë Shqipërinë, së bashku me familjen.
“Nuk e di rastin, por besoj se në çdo vend ka të çmendur, njerëz që mund të bëjnë kërcënime në telefona, por kjo nuk mund të përbëjë asnjë arsye për ta quajtur Agronin poet. Thelbi i pyetjes është që unë konsideroj që lufta nuk mund të shihet me sytë e politikës dje dhe as me sytë e politikës sot. Pra, ata që më bënë tradhtarë pse nderova figurën e Mit’hat Frashërit, gabojnë”, deklaroi kryeministri./ Opinion.al
