Zëvendësministri i Brendshëm Besfort Lamallari është shprehur në media se të gjithë personat e prekur nga tërmeti do të mund të strehohen në hotele:
“Akomodimi në palestra ishte i përkohshëm, ndërsa tashmë do të akomodohen në hotele. Duke marrë në konsideratë situatën emergjente, e rëndësishme është që njerëzve iu është siguruar një strehë. E rëndësishme është që familjeve që janë sot në qiell të hapur, po iu ofrohet akomodim. Për të sëmurët do të jepen ilaçe. Ushqimi do të ofrohen në hotele. Me një dokument nga administratori i njësisë bashkiake,”, -theksoi ai.
Në fjalën e tij Lamallari falënderoi të gjithë personat që ndihmuan njerëzit në këtë situatë të trishtë.
“Ekipet e kërkim-shpëtimit kanë punuar në kushte shiu e rrebeshi. Në këto ditë është treguar një solidaritet i madh dhe i plotë në ndihmë të qytetarëve. Kishim edhe sensibilizimin e bizneseve të ndershme në vend”,– deklaroi Lamallari./Opinion.al/
