Komisioni i Disiplinës u mblodh sot për të shqyrtuar gjithçka ndodhi në futbollin shqiptar në mesjavë, teksa me ineres të lartë priten masat që do të merren për incidentet e ndodhura në derbin Tirana – Partizani.
Federata Shqiptare e Futbollit akoma nuk ka bërë publike vendimet e plota të marra në Komisionin e Disiplinës, por sipas faqes zyrtare të emisionit “Rubrika Sportive” që transmetohet në TVSH, bardheblutë janë dënuar të luajnë 8 ndeshje pa tifozë.
Ky është vetëm njëri prej vendimeve, pasi vendimet e plota pritet të zbardhen nga momenti në moment nga federata.
