Në aeroportin e Duseldorfit në Gjermani ka një situatë paniku. Dyshohet për bombë në një nga platformat e aeroportit, por kjo ende nuk është e konfirmuar nga autoritetet.
Qytetarë shqiptarë që prisnin të udhëtonin drejt Tiranës kanë raportuar në Opinion.al se njerëzit janë evakuuar nga terminali C i aeroportit dhe po grupohen në platformat e tjera.
Policia federale ka nisur kontrollet pas alarmit të dhënë. “Eshtë boshatisur terminali C dhe të gjithëve na dërguan në rerminalin B. Na thanë se ka alarm për bombë”, tha njëri prej udhëtarëve.
*Më poshtë video e dërguar në opinion.al ku shihen udhëtarët duke u larguar nga platforma ku është dhënë alarmi. Pra evakuumi nuk është bërë në gjithë aeroportin por vetëm në njërin prej terminaleve.
