Një aksident me pasoja fatale ka ndodhur ditën e sotme në aksin rrugor Fier-Levan, ku një kamion është përplasur me një makinë tip “Fuoristradë”. Si pasojë ka humbur jetën një grua.
Aksidenti ndodhi rreth orës 14:55 tek “Pylli i Levanit” ku kamioni Scania me targa Fieri dhe që drejtohej nga një person me inicialet A.Ç u përplas me një makinë Volkswagen me targë TR 9479 L.
Sipas informacioneve nga policia, gruaja që humbi jetën ishte pasagjere në autoveturë, ndërsa në spitalin e Fierit është dërguar edhe drejtuesi i Volkswagenit.
Policia thotë se grupi hetimor është duke punuar për identifikimin e tyre dhe zbardhjen e plotë të ngjarjes.
Si pasojë e aksidentit është bllokuar rruga, duke krijuar trafik të rënduar në aksin Fier-Levan.
