Zërat e merkatos për Rei Manajn duket se do jetë vështirë të ndalen edhe këtë verë derisa të vendosë se cili do të jetë ekipi i tij i ri, që me shumë gjasa do të huazohet në ndonjë skuadër tjeter nga Interi i cili beson shumë te sulmuesi shqiptar.
Gjatë kësaj periudhe është shkruar në mediat italiane për një interesim të Çezenës, Peruxhias dhe Beneventos, ekipe këto që garojnë në Seria B, por Manaj dëshiron të mbetet në elitën e fubollit italian.Së fundmi tani ka dalë në skenë një tjetër skuadër për lushnjarin, teksa “calciomercato.it” shkruan se Peskara me shitjen e Lapadulës po mendon për zëvendësuein e tij.Favili i Juventusit, Sadik i Romës dhe Manaj i Interit janë objektivat e Peskarës, me Interin që është i gatshëm ta huazojë sulmuesin shqiptar raporton uebsajti italian.
