Skuadra kombëtare do të luaj ditën e enjte ndeshjen e parë të kësaj faze kundër Lihteshtejnit, ndërsa tre ditë më vonë do të përballet me Spanjën. Në një kohë kaq pran ndeshjeve vjen lajmi se sulmuesi Armando Sadiku nuk do të marr dot pjesë në asnjë prej këtyre dy takimeve. Gjatë muajit të kaluar ai pati një incident qoi kushtoi disa javë jashtë fushës së lojës. Nga ekzaminimet e detajuara mjekësore mësohet se është evidentuar nevoja që Sadiku ti nënshtrohet një ndërhyrje kirurgjikal në meniskun e gjurit, gjë që e bën të pamundur aktivizimin e tij.
Sadiku do t’i nënshtrohet operacionit në gju këtë të mërkurë, por ajo që ka më tepër rëndësi është se për fatin e mirë të 25-vjeçarit, nuk bëhet fjalë për diçka serioze pasi ndërhyrja në menisk nuk paraqet një problematike të komplikuar.
