Andrés Iniesta do ta mbyllë para kohe vitin kalendarik 2016, si pasojë e dëmtimit të pësuar kundër Valencia, ka nxitur të bëj të ditur media spanjolle. Futbollisti ka dëmtuar ligamentin anësor të jashtëm në pjesën e pasme të gjurit të djathtë, pas një përplasje me Enzo Perez. Iniesta do të bëj analiza më të detajuara, kur të mbërrijë në Barcelonë dhe nesër do të mësohet koha e riaftësimit, por nga kampi “blaugrana” konfirmojnë se spanjolli nuk do jetë gati para se të kalojnë dy muaj.
Duke parë moshën e futbollistit dhe tipin e dëmtimit, Radio Katalonja ka bërë të ditur se Iniesta do të rikthehet vetëm në fund të janarit 2017 dhe kjo do të thotë se ai do të humbasë rreth 13 ndeshej zyrtare të Barcelonës. Ato kundër: Espanyol, Granada, Manchester City, Sevilla, Málaga, Celtic, Real Sociedad, Hércules, Madrid, Borussia, Osasuna, Espanyol dhe sërish Hércules. Trajnerit Luis Enrique duhet të gjejë një zgjidhje tjetër për mesfushën, teksa lajmi i mirë është se Iniesta nuk do të operohet.
