Një person është vrarë sot në Himarë dhe trupi u gjet në përrua. Policia e ka identifikuar si Dashamir Zeneli.
“Rreth orës 10:30, në fshatin Kuç të Himarës është gjetur një trup i pajetë”, thuhet në njoftimin paraprak të policisë.
Grupi hetimor ka shkuar menjëherë në vendngjarje dhe nga hetimet paraprake në lidhje me identifikimin e viktimës, ka rezultuar se trupi i pajetë i përket shtetasit D. Z., rreth 40 vjeç, banues në fshatin Kuç, i cili është gjetur i pajetë në një përrua.
Nga këqyrja paraprake që i është bërë viktimës, është konstatuar se personi është vrarë me armë zjarri.
Po punohet për sqarimin e rrethanave të ngjarjes së ndodhur, deklaroi policia.
