Të shtëna me armë janë dëgjuar në Shëngjin (Lezhë) pasditen e sotme. Në fillim u raportua për 1 të plagosur, por tashmë në spitalin e Lezhës kanë mbërritur dy persona me plagë të shkaktuara nga arma e zjarrit. Policia ka mbërritur në vendin e ngjarjes dhe po punon për sqarimin e rrethanave të ngjarjes dhe kapjen e autorëve.
Njoftimi i policisë
Me datë 22.10.2017, rreth orës 18:30, është marrë njoftim se në Shëngjin ka ndodhur një plagosje me armë zjarri.
Menjëherë në vendngjarje kanë mbërritur shërbimet policore që kanë konstatuar se në Shëngjin, në qendër të qytetit, , nga një automjet, persona akoma të paidentifikuar, kanë plagosur me armë zjarri shtetasit S.B. 19 vjeç dhe F.D. 28 vjeç ,banues në Shëngjin, të cilët po lëviznin me këmbë në trotuar.
Shtetasit e plagosur janë dërguar në spitalin Rajonal Lezhë ku ndodhen jashtë rrezikut.
Grupi hetimor në vendngjarje po vazhdon hetimet për zbardhjen e plotë të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorëve.
