Një incident i rëndë ka ndodhur pak çaste më parë në qytetin e Fushë Krujës. Nga burimet tona mësohet se është goditur me levë në kokë një eksponent i Lëvizjes Socialiste për Integrim. Mësohet se personi i goditur është Blerim Çela,me detyrë drejtor shkolle. Nga rrethanat mësohet se një person ka zbritur nga makina dhe ka shkuar drejt lokalit ku ndodhej Çela afër zyrave të LSI-së. Personat që ishin me Çelën,janë shprehur se nuk e njihnin agresorin. Makina në të cilën ndodhej personi i paidentifikuar, ishte një makinë tip Fuoristradë gri ML, me targa AA 048NB. Mësohet se për ngjarjen është bërë kallëzimi në polici nga strukturat e LSI-së në Fushë Krujë si edhe nga kandidati Agim Xheka.
