Kelmend Balili do të dalë së shpejti përpara gjykatës së Krimeve të Rënda/
Seanca e parë në ngarkim të atij që quhet “Eskobari i Ballkanit” do të mbahet më 25 shkurt, në orën 10.00, nën masa të lartë sigurie.
Balili u vetëdorëzua pas dy vitesh arratie, më 15 janar të këtij viti.
Ai akuzohet për 4 veprat të rënda penale, ku më kryesoret janë “Trafiku Ndërkombëtar i Lëndëve Narkotike” dhe “Krijim dhe pjesëmarrje në një grup të struktuar kriminal”.
Si prova, Prokuroria ka një varg përgjimesh, për të cilat vet Balili nga arratia ka kundërshtuar të ishte numri i tij i telefonit.
Gjatë momentit të vetëdorëzimit, Balili vuri disa kushte, midis të cilave të kishte një proces të drejtë ligjor dhe të shënohej në procesverbal që ishte vetëdorëzuar. DL
