Marrëdhënia që shqiptarët kanë me gjobat nuk ka qënë dhe mbase as nuk do të jetë ndonjëhere shembullore. Kjo nuk thuhet si pasojë e ndonjë perceptimi por si rrjedhojë e paaftësisë për të arkëtuar në kohën e duhur këto gjoba thujase nga të gjitha institucionet.
Gjatë ditëve të fundit është vënë re një numër shumë i madh denoncimesh nga ana qytetarëve të cilët shprehin pakënaqësinë e tyre. Ata jane ndier të fyer por edhe të bllokuar për të kryer aktivitetin e tyre ditor. Në shumicën e rasteve qytetarët e indinjuar, kanë të njëjtin qëndrim.
Ata thonë se nëse kanë parkuar gabim, mund të gjobiten 3000 lekë sa është edhe masa e përcaktuar në ligj. Kjo gjobë ka një kamatë prej 2% deri në 30 ditë.
Por punonjësit e Bashkisë Tiranë pasi vendosin fletën e gjobës në xhamin e makinës, vendosin edhe bllokuesin e rrotës. Madje ne disa raste edhe duke dëmtuar atutomjetet por ky është një tjetër aspekt. Sipas qytetarëve dhe denocimeve që kanë mbërritur në opinion.al kjo bëhet sepse bashkia i kerkon këto para brenda dites në mënyrë që të mbushë arkën e saj.
Kjo nuk duket kaq e pamundur sepse punonjësit e policisë bashkiake tashmë kanë mësyrë deri ne pjesët më të thella të qytetit. Po, edhe aty ku bashkia nuk ka siguruar ende rrugët e shtruara dhe pa gropa për të arritur. Ky është kthyer në nje fenomen shqetësues gjatë këtyre ditëve të fundit ku shumë qytetarë kanë rënë pre e këtyre bllokimeve.
Tradita e krijuar nëper lagjet e Tiranës e parkimit “vend e pa vend” sigurisht që duhet të marrë fund, por i këshillojmë autoriteteve të bashkisë që të bëjë një fushatë lajmërimesh apo ndërgjegjësimesh për këto gjoba dhe bllokime.
E para sepse nëper lagje mundësia e parkimeve është shume e vogël krahasuar me numrin shumë të madh të makinave. E dyta sepse të bllokosh automjetet në një rrugë të tërë tregon se aty është krijuar një traditë parkimi dhe pandëshkueshmërie, pra nuk është një rast i izoluar dhe e treta sepse mes ketyre të bllokuarve mund të ketë edhe nga ata që jane në pamundësi financiare apo mund të kenë probleme me shëndetin. Gjithsesi të paktën qytetarët duan që te respektohet ligji dhe jo të ndihen të bllokuar.
