Një aksident me pasojë plagosjen e 3 personave ka ndodhur mëngjesin e sotëm në aksin Fushë Krujë Tiranë, afër fshatit Larushk. Një automjet tip ‘Fiat’ me targa italiane dhe një mjet tip ‘Seat’ me targa AA284JL janë përplasur me njëra-tjetrën e për pasojë janë plagosur shtetasit Rexhep Xhixha, Osman Cangu nga Fushë Kruja si dhe Alfred Bardhoku nga Laçi.
Të plagosurit janë dërguar në Spitalin e Traumës, në Tiranë. Policia ka shkuar në vendin e ngjarjes dhe po punon për zbardhjen e rrethanave. Paraprakisht dyshohet se shkak i aksidentit ka qenë lagështira në rrugë.
