Këngëtarja Lady Gaga ka vizituar dje (9 dhjetor) Fondacionin The Albert Kennedy Trust në Londër për të ndarë mirësi (#ShareKindness) me të rinj LGBT të cilët kanë mbetur të pastrehë vetëm për shkak të orientimit seksual apo identitetit gjinor të tyre.
Si pjesë e aktiviteteve me Fondacionin Born This Way, Lady Gaga kaloi disa orë me ta duke treguar sesa e rëndësishme është mbështjetja e të rinjve LGBT të pastrehë. Ajo gjithashtu shpërndau dhurata të cilat do të shkojnë nga AKT për të rinjtë në nevojë.
Lucy Bowyer, Menaxherja e Strehave të Përkrahura nga The Albert Kennedy Trust, i tregoi Lady Gagas se pjesë e dhuratave të saj do të ishin edhe të rinjtë LGBT të Strehës në Shqipëri duke u siguruar që mesazhi i saj #SharingKindness do të arrijë edhe tek të rinjtë shqiptar.
Znj. Bowyer i foli për punën e Kristit dhe Xhenit dhe këngëtarja Lady Gaga kërkoi të dijë më shumë në lidhje me punën që po bëhet në Shqipëri nëpërmjet Strehës dhe për të drejtat e të rinjve LGBT.
Këngëtarja i është bashkuar nismës #NoRoomForHate të Fondacionit The Albert Kennedy Trust, për t’iu ardhur në ndihmë mbi 4800 të rinjve LGBT që janë të pastrehë apo jetojnë në mjedise të rrezikshme. /m.g/
