Deputeti socialist Vladimir Kosta që përmes një letre publike të bërë dje doli nga grupi i PS dhe për këtë fajin ia vuri Kryeministrit Rama duke përmendur konfliktet me të. Ka pasur reagime sot dhe mes tyre ishte dhe drejtori i OSHEE, Ardian Çela i cili tha se Vladimir Kosta donte tendera nga OSHEE.
Sakaq deputeti përgjigjet se do të votojë reformën në drejtësi edhe pse nuk është më me Ramën dhe më pas do të merret me vartësit e tij, mes tyre edhe Çela.
Statusi i Vladimir Kostës
Duke marrë shkak nga shpifjet dhe spekulimet mediatike,të bëra pas deklaratës time të djeshme, dëshiroj të bëj me dije se :
“Si patriot dhe socialist, deklaroj voten time pro Reformes se Drejtesise, sic rekomandohet nga SHBA dhe BE. Prandaj sqarimet e mia te metejshme do t’i bej publike vetem pas 21 korrik 2016, pra pasi te votohet ne Kuvend Reforma e Drejtesise.”
Çela, administrator i OSHEE
Shpreh keqardhje të thellë për prononcimin e deputetit Vladimir Kosta, por nuk jam i keqardhur që nuk i’a kam plotësuar kërkesat e tij absurde për të fituar në rrugë të paligjshme tenderë të shpallur nga OSHEE. Fatkeqësisht nuk më vjen e papritur kjo shfaqje vulgariteti vetediskreditues që flet vetë për nivelin e Vladimir Kostës. Sulmin e tij në vigjilje të finalizimit të Reformës në Drejtësi e marr si kompliment për kompaninë dhe për drejtimin tim me ligjshmëri dhe transparencë. Reforma në Drejtësi ende pa u miratuar po tregon se çfarë vlere të madhe ka për të ndarë njerëzit që duan shtet, drejtësi, rregulla nga ata që duan të vazhdojnë në rrugën e vjetër të përfitimeve të paligjshme
