Lajmi qarkullonte prej orësh, por tani ka ardhur edhe zyrtarizimi. Me një komunikatë në faqen e saj në internet klubi i Lazio i jep lamtumirën
trajnerit Stefano Pioli dhe deri në fund të sezonit skuadra do t’i besohet trajnerit të U19, Simone Inzaghi, ishsulmuesi i Lazio, vëllai i Pipo
Inzaghi. Fatale për trajnerin Pioli rezultoi humbja 41 në derbi ndaj Roma, rezultati më i keq ndaj “kushërinjve” që nga 10 mars 2002.
“Ky ishte zhgënjimi i radhës në këtë sezon, – tha trajneri, Stefano Pioli, menjëherë pas ndeshjes, duke marrë përsipër përgjegjësinë, –
Pranoj fajin tim, të gjithë jemi fajtor dhe unë nuk tërhiqem pas. Vuajtëm cilësinë e skuadrës së Romës, pastaj bëmë një gabim të madh dhe i
dhuruam golin e parë. Në fillim të pjesës së dytë luajtëm më mirë, por nuk arritëm të futemi në lojë. Humbja 41 është më e thellë sesa
meritoni, por gjithsesi mbetet një humbje në derbi.”
Stefano Pioli e mbylli në vendin e tretë kampionatin e kaluar
Lazio e nisi sezonin duke humbur në “play off” të Champions League ndaj Leverkusen, diçka që hodhi poshtë mrekullinë e vendit të tretë të
sezonit të kaluar. Sivjet Lazio nuk është ngjitur për asnjë moment në nivelin që i takon dhe i ka humbur të dy ndeshjet ndaj Romës, pasi
renditet në mes të klasifikimit. Presidenti Lotito ka vendosur që skuadra do të qëndrojë e grumbulluar deri në ndeshjen e ardhshme, ndërsa
400 tifozë kanë shkuar në Formello për të shfaqur protestën e tyre.
